استمتع بالتكنولوجيا الرائدة مع Samsung Galaxy M34 5G سرعة وتصميم مبتكر بهاتف واحد

أحمد عبد اللهآخر تحديث :
سامسونج m34 فايف جي
سامسونج m34 فايف جي

شركة سامسونج اطلقت تليفون جديد في الفئة المتوسطة العليا فلو بتدور على موبايل جديد يديك أداء كويس وتجربة تصوير ومشاهدة ممتعة، يبقى موبايل سامسونج الجديد الـ Samsung Galaxy M34 5G  هو الخيار المناسب ليك.

والسبب في ان الموبايل ده يعتبر جيد جدا بسبب ان الموبايل بييجي بشاشة AMOLED بتردد مرتفع يبلغ 120 هرتز، وكاميرا خلفية 50 ميجا بكسل بتدعم المثبت البصري دا غير انك يتعرف تصوير فيديوهات بجودة 4K

كل ده غير ان الموبايل كمان يحتوي علي بطارية عملاقة كعادة سلسلة الـ M من شركة سامسونج وبتيجي بسعة 6000 مللي أمبير، وبتدعم الشحن السريع بقدرة 25 واط دا غير ان الموبايل بيجي بمعالج من شركة سامسونج نفسها وهو الـ Exynos 1280  واللي بيقدم أداء مميز جدا في الفئة السعرية دي .

تعالو بقا نتعرف على مواصفات سريعة للموبايل ده والمميزات والعيوب للموبايل، وهل يستحق يكون هو الأفضل في فئته السعرية وهل يستحق الشراء ولا لأ.

مواصفات سريعة لموبايل Samsung Galaxy M34 5G

  • الشاشة: من نوع Super AMOLED وتأتي بمساحة 6.5 إنش بدقة الـ 1080×2340 بكسل بمعدل كثافة بكسلات 396 بكسل
  • المعالج  المعالج من تصنيع سامسونج Exynos 1280 تكنولوجيا 5 نانو مع معالج رسومي Mali-G68
  • الذاكرة ذاكرة صلبة بسعة 128 جيجا بايت UFS 2.2 مع ذاكرة عشوائية بسعة 6 أو 8 جيجا بايت
  • الكاميرا:  الكاميرات الخلفية ثلاثية 50+8+2  ميجا بكسل والكاميرا الامامية 13 ميجا بكسل.
  • البطارية:  6000 مللي أمبير
  • نظام التشغيل:  اندرويد 13 مع واجهة سامسونج الـ One UI 5.1

مميزات الموبايل 

  • الموبايل كعادة هواتف سامسونج في الفئة المتوسطة بيجي بخامات من البلاستيك بالكامل ودا اللي بيخلي النسخة دي تستحمل الصدمات الخفيفة.
  • البطارية في الموبايل ده ضخمة جدا علي موبايل في الفئة دي كعادة موبايلات سامسونج في الفئة السعرية دي ودا لانها بتيجي بسعة 6000 مللي أمبير وهي أكبر بطارية في فئة الهاتف السعرية تقريبا مع شاحن يعد جيد.
  • وبالنسبة بقا للشاشة فبتيجي بتصميم النوتش في منتصف الشاشة علي شكل قطرة المياه صغيره في المنتصف تقريبا وكمان الشاشة بتيجي من نوع Super AMOLED وهو افضل أنواع الشاشات من سامسونج وبتيجي بحجم كبير بمساحة 6.5 بوصة
  • كمان الموبايل شاشتة بتيجي بدقة كبيرة 1080×2340 بكسل بمعدل كثافة بكسلات 396 بكسل لكل بوصة وبالتالي الألوان والدقة اكبر دا غير ان تردد الشاشة كبير جدا يبلغ 120 هيرتز واللي بيساعد في ان الشاشة تشتغل بسلاسة كبيرة كل ده غير ان السطوع عالي جدا ويصل الي 1000 شمعة ودا اللي بيخلي استخدام الشاشة تحت اشعة الشمس
  • طبقة الحماية في الموبايل ده بتيجي من نوع Corning Gorilla Glass الجيل الخامس.
  • يدعم مدخل سماعات 3.5 ملم، عشان تقدر تسمع مزيكة من سماعات الأذن السلكية عادي جدا مش زي باقي الموبايلات في الفئة السعرية دي.
  • أداء جيد بفضل معالج سامسونج الـ Exynos 1280 الـ 5 نانو، وهو مناسب لسعر الهاتف، مع معالج رسومي Mali-G68 وهو نفس المعالج المستخدم في Samsung A53 وبالتالي هتلاقي ان أداء الموبايل قوي جدا في الفئة السعرية دي.
  • الموبايل بيجي داعم لخاصية التوصيل القريب الـ NFC واللي تقدر تستخدمها في الدفع الالكتروني.
  • أداء الكاميرات جيد جدا وخصوصا الكاميرا الخلفية اللي بتقدم أداء ممتاز بدقة 50 ميجا بكسل ودا اللي بيخليك تصور صور بجودة عالية جدًا وكمان بتدعم التثبيت البصري والكاميرا الخاصة بالتصوير بزاوية واسعة 8 ميجا بكسل مش افضل حاجة ولكن جودتها مقبولة في الفئة السعرية دي الموبايل بيقدر يسجل فيديوهات بدقة 4K.
  • الموبايل بيقدم أداء جيد في الاتصالات ودا بسبب الشبكات المحترمة صحيح انها مش الاقوي ولكنها جيدة جدا
Samsung M34 5G
Samsung M34 5G

عيوب الموبايل 

  • تصميم قديم، خصوصًا شكل الشاشة النوتش، مع وزن ثقيل نسبيًا.
  • سرعة الشحن ليست الأسرع، حيث تبلغ 25 واط فقط.
  • الشاحن والجراب لا يأتوا بعلبة الهاتف، مما قد يشكل عائقًا لبعض المستخدمين.
  • مستشعر القرب يعمل عن طريق السوفت وير، مما قد يتسبب في بعض المشاكل.
  • لا يدعم صوت ستريو، مما قد يؤثر على تجربة الاستماع للموسيقى أو مشاهدة الأفلام.
  • لا يأتي بشهادة معتمدة لمقاومة الماء والغبار، مما قد يتسبب في تلف الهاتف في حالة تعرضه للماء أو الغبار

سعر موبايل سامسونج ام 34 فايف جي

  • في مصر للنسخة 128 جيجا مع 6 جيجا رام بسعر 9100 جنية .. وللنسخة 128 جيجا مع 8 جيجا رام بسعر 10000 جنية .
  • في السعودية للنسخة 128 جيجا مع 6 جيجا رام بسعر 875 ريال .
  • في الإمارات للنسخة 128 جيجا مع 6 جيجا رام بسعر 700 درهم .

تقيمنا للموبايل 

بشكل عام، يعتبر هاتف Samsung Galaxy M34 5G هاتفًا ممتازًا في الفئة المتوسطة، ويقدم قيمة جيدة مقابل السعر. يتميز الهاتف بشاشة ممتازة بمواصفات عالية ومعدل تحديث 120 هرتز، وأداء جيد مع معالج Exynos 1280، وبطارية قوية بتدوم طويلاً، وكاميرا خلفية ممتازة بدقة 50 ميجا بيكسل تدعم المثبت البصري وتصوير فيديو بجودة الـ 4K.

ولكن، هناك بعض العيوب التي قد تؤثر على قرار الشراء، مثل التصميم القديم وسرعة الشحن غير الأسرع وعدم دعم الشحن اللاسلكي ومقاومة الماء والغبار.

ولكن، إذا كنت تبحث عن هاتف ممتاز في الفئة المتوسطة بسعر مناسب، فيمكنك اختيار Samsung Galaxy M34 5G.

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

الاخبار العاجلة