اطلقت شركة ريلمي موبايلها الجديد واللي لو بتدور على موبايل اقتصادي شيك من ريلمي يبقى لازم تعرف على موبايل Realme C53 الجديد من شركة ريلمي واللي بيجي بمواصفات حلوة بالنسبة للسعر،
الموصفات اللي بتيجي بيها الموبايل بداية من الشاشة من نوع IPS مقاس 6.74 بوصة ودقة FHD+ بتردد 90 هيرتز، ومعالج من نوع Unisoc Tiger T612، وبطارية كبيرة بسعة 5000 مللي أمبير، مع شحن سريع بقوة 33 واط
تعالو بقا نتعرف على المواصفات الكاملة لموبايل شركة ريلمي الجديد Realme C53، وأهم مميزاته وعيوبه وهل الموبايل يستحق الشراء ولا لأ.
مواصفات موبايل ريلمي C53
- الشاشة: من نوع IPS LCD وتأتي بمساحة 6.74 إنش بدقة الـ 1080×2400 بكسل
- المعالج: من نوع Unisoc Tiger T612 بتكنولوجيا 12 نانو مع معالج رسومي من نوع Mali-G57
- الذاكرة: الموبايل بيجي بنسخة واحدة بس 128 جيجا بايت مع 6 جيجا بايت ذاكرة عشوائية.
- الكاميرا: الخلفية بتيجي ثنائية 50+0.8 ميجا بكسل والكاميرا الامامية 8 ميجا بكسل.
- البطارية: 5000 مللي أمبير
- نظام التشغيل: اندرويد 13 مع واجهة ريلمي المخففة الـ Realme UI T
مميزات الهاتف
- الموبايل بيجي بتصميم حلو ومختلف عن باقي الموبايلات، مع نقشة حلوة على ضهر الموبايل، والموبايل مقاوم للصدمات الخفيفة ودا بسبب الخامات المستخدمة في تصنيع الهاتف تأتي من البلاستيك سواء الظهر أو الإطار
- وبالنسبة للمستشعر بتاع البصمة فهو واحد من افضل المستشعرات بسبب سرعتة ودقتة الكبيرة نظرا للفئة السعرية للموبايل.
- واحدة من المميزات اللي مش بتلاقيها في موبايلات الفئة دي هي ان الاكسسوارات بتاعه الموبايل موجودة في العلبة زي الشاحن السريع والجراب لحماية الموبايل لانه من البلاستيك
- البطارية بتاعه الموبايل ممتازة لانها بتستمر لفترات طويلة من الاستخدام كمان الشاحن المرفق مع الموبايل سريع ودا اللي هيخلي الموبايل يتشحن بسرعة فا مش هتلاقي معاها أي ازمة.
- الموبايل كمان بيدعم استخدام شريحتين اتصال وكارت ذاكرة خارجي في نفس الوقت بدون الحاجة الي الاستغناء عن احد شرائح الاتصال.
- الموبايل بيجي بيقدم أداء مقبول في الفئة الاقتصادية بسبب ان المعالج من نوع Unisoc Tiger T612 بتكنولوجيا 12 نانو مع معالج رسومي من نوع Mali-G57 فهو نفس المعالج الموجود في الـ Realme C33 وهذا المعالج يقدم اداء اقل بفرق بسيط من ميدياتيك G85 و G88
- الشاشة شكلها نوتش، وبتدعم ميزة الـ Dynamic Island زي الـ Realme C55 وهي تقوم بعرض مجموعة من البيانات ومنها حالة البطارية وتنبيه توصيل الشحن او شحن البطارية بالكامل ولكن ما زالت استخدامتها محدودة
- الشاشة من نوع IPS LCD، وحجمها 6.74 بوصة، ودقة الـ FHD+، وكثافة البكسلات فيها 390 بيكسل لكل بوصة. الموبايل بيدعم معدل تحديث 90 هيرتز، بس وسطوعها محدود، وبيوصل لـ 560 شمعة.
- الكاميرا الخلفية بتقدم أداء جيد في التصوير بالنسبة للفئة الاقتصادية لانها بتيجي بدقة 50 ميجا بكسل، دا غير انها بتدعم تصوير الفيديوهات بجودة الـ FHD بدقة 1080 بكسل بمعدل التقاط 30 إطار في الثانية.
عيوب الهاتف
- الخامات من البلاستيك بشكل كامل ومفيش أي مقاومة للماء والغبار يعني لازم تبقي حريص علي الموبايل وانت بتستخدمة علشان ميجيش عليه ماية وتستخدم الجراب علان متخدش الموبايل سواء الظهر او الاطار.
- الكاميرات بتقدم أداء اقل بكتير من المتوسط عدا الكاميرا الخلفية الأساسية والباقي مش احسن حاجة وخصوصا الكاميرا السيلفي كويسة اه بسبب انها 8 ميجا بكسل بس مش ممتازة.
- تصميم الشاشة وشكلها علي الطراز القديم والنوتش علي شكل قديم شوية، ووسطوعها تحت الشمس مش عالي دا غير ان الحافة السفلية للشاشة كبيرة شوية، وممكن تكون أصغر
- التجربة الصوتية مش اقوي حاجة ودا بسبب ان السماعة بتاعه الموبايل أحادية يعني الصوت في الموبايل مش ستريو، والمايك بتاع الموبايل وصوته مش كويس قوي
- الموبايل مش بيدعم ميكرفون إضافي لعزل الضوضاء.
- ضعف الأداء في الألعاب ودا بسبب ان الموبايل مصمم للاستخدام اليومي بس مش للألعاب التقيلة ولو انها ممكن تشتغل علي اقل اعدادات للجرافيك بس مش هتبقي اقوي حاجة
سعر العدة
- سعر الموبايل الرسمي في مصر للنسخة 128 جيجا مع 6 جيجا رام بسعر 6000 جنية وفي المخلات بضمان دولي
- وبالنسبة لسعرة في السعودية للنسخة 128 جيجا مع 6 جيجا رام بسعر 550 ريال سعودي.
- في الإمارات للنسخة 128 جيجا م 6 جيجا رام بسعر 500 درهم اماراتي.
تقييم الموبايل النهائي
بشكل عام، يعتبر هاتف Realme C53 خيارًا جيدًا في الفئة الاقتصادية، ويوفر أداءً جيدًا وشاشة كبيرة بدقة عالية وبطارية كبيرة.
ومع ذلك، هناك بعض العيوب التي يمكن ملاحظتها، مثل شكل الشاشة القديم وسطوعها المحدود تحت الشمس وصوت الهاتف المتوسط ويعتبر Realme C53 نسخة أقل في المواصفات من Realme C55 حيث يأتي C53 بمعالج أضعف بفرق بسيط و شاشة بشكل أقدم وسطوع أقل وكاميرا خلفية رئيسية أقل .
